Hopi positivo cu Aruba tin 24 agente policial nobo cla pa sirbi comunidad  

ORANJESTAD (AAN): Recien Scol di Polis Watty Vos a celebra su 50 aniversario y

na mes momento a tuma luga un ceremonia di huramentacion y entrega di diploma na un grupo di polis.

   Inspector y cabesante na Politie Opleiding School, Sharina Arindell na e ocasion special awe, a comparti su sentimento pa cu graduado y awo coleganan nobo den Cuerpo Policial.

   Ta trata di un grupo di diesdos Polis di scol di 2024 cu a huramenta, adicional un grupo di binticuatro agente (2021) cu a termina nan formacion policial despues di cuater aña.

   Inspector Arindell a indica cu e MBO diploma cu cada studiante a ricibi awe ta nivel 4 y ta un diploma acredita. E trayectoria no ta uno facil, pero asina mes, di e binticinco studiante cu a cuminsa e opleiding, un so a cay afo. Na momento cu inicia e formacion tin hopi preparacion fisico cu ta tuma luga, pa esaki ta conseha cada hoben cu kier forma parti di Cuerpo Policial di Aruba pa nan ta bon prepara.

    Ademas di e parti fisico, tin e parti di teoria, y hopi ta pensa cu ta practica so tin cu domina, pero tambe mester por domina strafvordering y strafrecht pa asina nan por pone e conocemente aki den practica. Inspectora Arindell ta felicita tur colega cu a huramenta y esnan cu a caba nan MBO4 Opleiding.