ORANJESTAD (AAN): Relaciona cu un comentario poni riba un post di Facebook riba social media,
unda tabatin palabranan di menaza fuerte dirigi na un locutor local na Aruba, a pone cu den fin di siman un homber a wordo deteni.
Vocero Lito Lacle di Cuerpo Policial a indica cu autoridadnan a analisa esaki, despues cu un denuncia oficial a wordo haci pa menaza.
Recherche di Oranjestad a actua riba e denuncia entrega door di e locutor local, y nan a subi caya y detene e homber di inicial A.F.R. di 53 aña naci na Aruba.
El a wordo hiba dilanti Fiscal Auxiliar, kende a duna ordo pa e keda deteni pendiente investigacion.
