ORANJESTAD (AAN): Diadomingo den oranan di anochi un caso tragico a tuma lugar na un cas na Wayaca, na unda un hende homber di 32 aña, a hinca su mes varios biaha.
Polis y ambulance a presenta na e cas y a transporta e persona cu tur urgencia na hospital.
Informacionnan a indica cu a pesar cu su condicion a stabiliza, mas den oranan di marduga su situacion a empeora y aunke personal medico a haci hopi intento, toch e informe a drenta cu Roshan Wernet, naci dia 28 di Januari, 1991, di 32 aña, a fayece.
Roshan ta yiu di un hungador di baseball hopi conoci na Aruba, Robert Wernet y su ruman, Gillian Wernet ta un pitcher cu ta hungando den exterior.
Recherche ta investigando e caso pa haya sa kico exactamente a sosode.
DIARIO ta extende nos mas profundo palabranan di condolencia y forza na famia y amigonan di Roshan Wernet.
