Rodney Solognier, Lider di SPA:
ORANJESTAD (AAN): Señor Rodney Solognier, Lider di Sindicato di Polis (SPA), den entrevista cu Matutino DIARIO a elabora riba e retonan cu e Departamento aki ta enfrenta pa e aña 2026.
El a expresa cu e retonan cu KPA tin ta mescos cu tur aña, manera falta di material y apesar cu den pasado nan a haya “tal y tal cos” pero tur cos ta gasta y mester renoba, y nan tin problema cu finanzas y no tur ora tin placa disponibel.
“Mi no a confirm’e pero mi ta compronde cu e aña aki tin 13% short. Esaki ta keda un problema pa KPA, pasobra tempo cu nos tabata tin e 13% ey mes, e no tabata suficiente pa loke nos tabata tin mester. Awo, kitando e 13% aki acerca, por imagina nos mes.
Nos a pidi un prome reunion pa e aña aki cu Minister, y nos tabata tin cierto puntonan di agenda pa atende, pero e agenda di e minister tambe ta druk y nos no por a yega na e prome reunion. Mi ta casi sigur cu e siguiente bez si nos por bin cu esaki”, Rodney Solognier, Lider Sindical di SPA, a señala.
