ORANJESTAD (AAN): Polisnan ta sigui pro-activo ta controla si tur automobilista tin documentonan na ordo, ora cu nan ta moviendo riba caminda di Aruba.
Y DIARIO a nota cu Diamars mainta esaki tambe a wordo haci.
Nan a tene control na diferente area, principalmente Green Corridor. Ta check si autonan tin tur documento na ordo. Y debi na experiencia cu ultimo lunanan hopi automobilista coriendo den Autonan tipo RHD (stuurwiel na man drechi) ta core rond sin aseguro of sin keuringskaart, nan ta check hopi riba e tipo di vehiculonan aki.
Fuera di esey na algun area nan ta check coremento duro tambe. Y e controlnan lo sigui den dianan venidero. Percura pa tur bo documentonan ta na ordo.
