Caso serio di hincamento na Nijhoffstraat

ORANJESTAD (AAN): Diabierna anochi, rond di 7:15, a tuma luga un incidente serio di hincamento den Nijhoffstraat.

            Un persona a hinca un otro individuo, y ora cu polis a yega na e sitio, nan a ripara cu e victima tabata tin 3 pa 4 hinca den su pecho y tabata sangra hopi. Polis mesora a pidi un ambulans cu hopi urgencia pa atende e situacion.

            Polisnan a topa cu testigonan y a tuma nan declaracion. E victima mes a logra duna polis algun informacion, di unda e hincamento a tuma luga. Algun meter mas leu, polis a haya cuchiunan benta na lugar di e incidente.

            Mientras cu tabata warda riba e ambulans, e victima su situacion a bira mas grave, y tabata urgente pa e ambulans yega lo mas lihe posibel.

            Ora cu e paramediconan a yega, nan a atende e victima rapidamente y a transport'e cu urgencia pa hospital.

            E area di e hincamento a wordo cera pa trafico y a pidi presencia di Departamento Tecnico pa mas investigacion.

            E victima su situacion tabata hopi critico, y polisnan a habri caminda pa e ambulans por a yega lo mas lihe posibel na hospital.