Auto a bolter riba Green Corridor

ORANJESTAD (AAN): Diabierna alrededor di 5'or di atardi, un accidente basta pisa entre un Kia Rio y un Nissan Kicks a sosode riba green Corridor.

 Polis, Materiaalwagen y ambulance a presenta na e lugar, pa motibo cu aparentemente tabatin un hende pega den Nissan Kicks, color preto, cu a bolter. E persona cu aparentemente tabata pega den a auto, a logra sali.

Segun informacionnan, e Kia a dal e Nissan y impacto tabata asina duro cu esaki a bolter. Ambulance a duna asistencia na e heridonan y a hiba nan hospital.

Polis di trafico a sigui guia trafico, mientras nan a cuminsa averigua e causa di e accidente.