Atrobe tabatin accident na e crusada peligroso na Sero Pita

ORANJESTAD (AAN):   Diamars atardi a sosode un accident na e crusada famoso di Sero Pita.

Esaki tabata den careda di 4'or. Polis y ambulance a bay pa un accidente di trafico caminda a raporta hende herida.

            Polis a topa cu un Hyundai Accent V-Car y un MG color blauw. Den e MG tabatin dos mucha y un adulto.

            Un testigo na e sitio a bisa cu e Hyundai Accent a pasa dilanti su cas y bay e crusada. Despues di un rato ea scucha un zonido duro. El a sali y a wak e V-Car accidenta.

            Segun chauffeur di e MG el a purba di evita e dalmento pero tabata envano. Su reaccion lihe a pone cu e impacto tabata menos duro.

            Di tur manera, esaki ta keda un crusada peligroso y hopi biaha ta topa cu turista cu no conoce e caminda.  Kizas nan no ta pone atencion ariba e borchinan di trafico y ta haya nan mes envolvi den accident.