Adicto Ambulante haya morto riba Diadomingo mainta

ORANJESTAD (AAN): Tabata Diadomingo mainta alrededor di 9:30 am, autoridad a ricibi yamada di habitatenan

cu ta indica cu riba un pida tereno cu cas bandona riba Aureolastraat na Madiki tin un persona cu no ta duna señal di bida.

   Polis di Playa a yega rapido, y a bin nota cu enberdad tin un Adicto Ambulante na rand di e tereno cu no ta mustra di tin señal vital mas.  Mesora a informa Central di Polis, y a solicita pa presencia di Docter.

   Mientras tanto Polis a seya e pida tereno, pa asina conserva cualkier pista cu team forensico di BFTO lo por detecta, como cu nan tambe a ser pidi pa yega eynan.  Recherche di Oranjestad tambe a acudi.

   Docter Forensico di Polis a presenta, y a detecta morto di e persona cu fam Granger di 67 aña di edad.  Segun tur indicacion, ta trata aki di un morto natural.  Hendenan eybanda a bisa cu nan no a mire ayera, y pesey mainta ora cu a bay check den e cas a bin hay’e morto.

   Cu shersh di Funeraria e restonan mortal a wordo saca di eynan.  Condolencia na famianan di e fayecido.