Accident pisa den marduga ora chauffeur a lubida cu rotonde di WVB Boulevard ta existi

ORANJESTAD (AAN): Yamadanan a cuminza drenta Diabierna marduga tanto na Centro di Alarma 911 como tambe Central di Polis 100,

cu un accident basta fuerte a keda registra riba WVB Boulevard.  Specificamente e rotonde cu tin na Ponton.

   E prome unidad di Polis cu a yega eynan banda di 1:00 am, a bin topa cu un vehiculo SUV Chevrolet color cora kibra banda panort di caminda net cerca di e voetpad y fietspad cerca di negoshi di Casnan.com

   A resulta cu e vehiculo aki tabata bin for di Playa (Caya Ernesto Petronia) bayendo direccion nort, y no a ni brake ora el a yega rotonde.  El a lubida completamente cu e rotonde ta existi, y cu impacto fuerte a bay dal mey-mey di e circulo di rotonde, kibrando e pida cura chikito decorativo eyriba, y cu e momentum di velocidad, el a pasa over di rotonde y tur kibra dilanti e vehiculo a bay den scual y finaliza cara pabao.

   Na stuur a haya e chauffeur masculino bastante herida. Mirando rond tawata tin bastante bloki benta riba caminda.

   Despues di e impacto, e motor a keda cendi y esaki a cuminza saca huma.  Pesey algun testigo a core yama 911 pa raporta esey tambe.

   Ambulance a yega, y Paramediconan a logra saca e chauffeur, pone riba brancard y transporte pa Servicio di Emergencia na Hospital.  E vehiculo mes a keda total loss.