Ministerio Publico relaciona cu video circulando:
ORANJESTAD (AAN): Ministerio Publico a tuma nota di un video cu ta circula riba social media riba cual aparentamente por wak cu dos persona menor di edad posiblemente envolvi den un acto sexual. E video aki supuestamente ta wordo comparti via WhatsApp, y a wordo graba scondi di dos alumno di EPB Oranjestad ta practicando sexo oral.
Ministerio Publico ta corda tur hende na Aruba, cu posesion di pornografia infantil ta castigabel.
Ley ta bisa cu un persona cu intencionalmente plama, ofrece, exhibi, adkiri, tin den su posesion of tin acceso na un imagen di actonan sexual den cual un persona menor di edad ta envolvi, ta castigabel cu un castigo di prison di maximo 4 aña of un multa di un maximo di 25 mil florin.
Pues si bo a haya e video y bo a dicidi na “share” esaki, djis corda cu e por tin consecuencia penal pa bo tambe!
