Caso di malversacion fondonan di Sportsubsidie
ORANJESTAD (AAN): Riba Diaranson, e sospechoso H. Ruiz a presenta den un Cita cu Fiscal na Ministerio Publico pa responde pa malversacion di fondonan publico di placa di SSA (Stichting Sportsubsidie Aruba) den e caso conoci como ‘Bromelia zaak’.
Sospechoso Ruiz ta ex-casa di Parlamentario Xiomara Maduro.
Siman pasa Corte den Prome Instancia a condena e sospechoso principal den e caso Bromelia, e homber K.R.Vrolijk, na un castigo di prison di 16 luna, di cual 10 ta condicional, y un periodo di prueba di tres aña.
Durante e investigacion Bromelia a resulta cu e sospechoso Ruiz a haci gastonan priva cu e carchi bancario di SSA pa un montante di mas of menos 1.800 Florin. Ademas, el a comete falsificacion. Mientrastanto el a paga e suma menciona bek na SSA.
Teniendo cuenta cu su funcion como dirigente di Conseho di Supervision di SSA, Ministerio Publico ta considera e hechonan aki specialmente grave.
Diaranson Ministerio Publico a ofrec’e Ruiz un resolucion extrahudicial, cu el a acepta. Ta trata di 100 ora di trabao pa comunidad, un multa di 1.500 y publicacion di e relato oficial aki.
