ORANJESTAD (AAN): Manera ta conoci, tabata Diabierna 23 di April 2021 cu oficialmente Parlamento di Aruba y tambe demas instancianan
a ricibi e Rapport Forensico cu a wordo traha pa check kico a pasa cu e finanzas di “Refineria di Aruba”, esta RdA. Esaki a bin desde cu ta conoci cu ora cu refineria di Valero a bay, cu a laga e suma di 21 Miyon Florin atras, pero cu a bin nota cu parce esaki a desaparece full.
Diabierna, Ministerio Publico a emiti un boletin pa confirma cu nan tambe ta studiando e rapport di RdA.
Segun nan, recientemente Ministerio Publico a haya un raport di Forensic Services Caribbean pa medio di e Conseho di Comisarionan di RdA (Refineria di Aruba NV).
E rapport a worde traha riba peticion di e Conseho di Comisarionan relaciona cu preguntanan tocante e legitimidad di gastonan door of na nomber di e directiva di RdA y a worde ofrece tambe na Parlamento di Aruba na fin di april.
Awor Ministerio Publico lo studia e raport y lo dicidi si ta trata di hechonan castigable y ken lo por worde marca como sospechoso. Expectativa ta cu lo tuma tempo prome cu bin claridad riba esaki.
