ORANJESTAD (AAN): Riba Diabierna atardi, Ministerio Publico a confirma cu e di dos sospechoso den e investigacion di e cold-case ‘Caso Apollo’, ta sigui deteni.
Apenas Diamars cu a pasa, esta 14 di September, Ministerio Publico a divulga cu Fiscal mes no a haya necesario pa mantene e 1er detenido encarcela y a dicidi pa stop e detencion di e sospechoso di inicial K.J.G.-M. E homber K.J.G.-M. a wordo deteni siman pasa Dialuna 6 di September relaciona cu e investigacion di e asesinato di Poentje Castro. E caso aki ta conoci como ‘Caso Apollo’.
Segun Ministerio Publico den un boletin, nan no ta considera cu ta necesario mas pa G.M. keda deteni. E ta sigui como un sospechoso den e caso.
Pero awor riba Diabierna, Ministerio Publico a pidi pa prolonga e detencion di e di 2ndo sospechoso (cu oficialmente Ministerio Publico no a divulga su nomber) den e caso Apollo. Diabierna despues di a revisa tur detaye, Huez-Comisario a dicidi pa prolonga e detencion di e sospechoso aki. Investigacion ta sigui.
