Fiscal a exigi 2½ aña di prison pa padrastro cu a abusa di mucha muher di 9 aña

ORANJESTAD (AAN): E homber Arubiano di inicial O. di 26 aña di edad, riba Diabierna mainta a scucha Fiscal exigi 3 aña di prison di cual 6 luna ta condicional

    E acusado a admiti di a haci actonan inmoral cu un mucha muher di 9 aña. O. a bisa Hues cu tempo cu e tambe mucha nan a abusa di dje tambe. Den sala di Corte tabata presente e mama y e victima.

   E acusacion cu Fiscal a presenta contra O. ta cu entre 1 December 2020 y 24 Februari 2021 el a haci actonan inmoral cu un mucha muher di 9 aña.

1. tabata padrastro di e mucha. Segun e acusacion, O., a haci actonan inmoral cu e mucha y laga e mucha hunga cu su parti intimo.

   ACTONAN INMORAL:

   Hues a puntra O. si e acusacionnan ta berdad. El a admiti. Tur cos a sosode na O. su cas.

   Hues a bisa cu e mucha a bisa cu diferente biaha esaki a sosode. O. a bisa Hues cu ta 3 biaha so esaki a sosode.

   ACUSADO TABATA VICTIMA:

1. a bisa Hues cu den pasado e tabata victima di abuso y ta hayando ayudo di psicologo. Segun O. e tabata usa marihuana y esaki a pone cu e no tabata por controla su mes. E victima tabata tabata sacudi cabez indicando cu no ta asina. Segun O. e tin hopi stress y pesey e ta usa marihuana.
2. a bisa Hues cu el a pidi tanto e mama como e mucha sorry pa loke el a haci.

Hues a bisa cu e rapport di psicologo ta mustra cu O. ta responsabel pa su actonan y cu no tin indicacion cu O. ta un pedofil.

   Psicologo ta haya cu O. mester di tratamento y guia pa evita di bolbe haci algo asina. Reclassering tambe a traha un rapport y ta conseha pa O. haya guia.

   PUNTO DI BISTA DI FISCAL:

   Fiscal a bisa Hues cu e ta haya legalmente proba cu O. a haci actonan inmoral cu un mucha muher. Den e caso aki O. a admiti tur cos y no mester di prueba di sosten ya cu e declaracion di e victima ta worde confirma pa O.

   Fiscal a mustra cu e mama di e mucha a declara na Polis cu na Maart 2020, e homber O. a bolbe cerca dje, despues di tabata un tempo separa. Na dado momento na Februari 2021 e yiu muher di e mama a bisa cu O. a mishi cun’e.

   E mama a bay reclama O., pero O. a desmenti cu el a mishi cu e mucha. Dos dia despues, O. na yoramento a bisa e mama loke el a haci.

1. a admiti di a haci actonan inmoral cu e mucha. Fiscal a bisa cu segun declaracion di O., e mucha a drenta baño y a bay mishi cu su parti intimo. Despues tabata un dia riba cama, e mucha a bay drumi banda di dje y cuminsa mishi cu su parti intimo. E mucha a pidi O. pa mishi cun’e. Fiscal ta haya cu O. ta tira culpa riba e mucha siendo cu O. sa masha bon cu loke el a haci no ta bon.

   Fiscal ta haya cu O., a abusa di e confianza cu e mama y su yiu tabatin den dje. Fiscal a bisa Hues cu ta parce cu O. no ta realiza ki daño el a causa na e mucha.

   EXIGI CASTIGO:

   Pa cu e castigo, Fiscal a tene cuenta cu e raport di Psicologo y Reclassering. E raportnan ta mustra cu O. mester di ayudo y guia. Fiscal tambe a tene cuenta cu ta promer biaha cu O. haci esaki.

   Fiscal a bisa cu desde aña pasa a aumenta castigo pa casonan di inmoralidad. El a exigi 3 aña di prison di cual 6 luna ta condicional cu 3 aña di prueba. Fiscal a pone condicion special cu O. mester cay bou guia di Reclassering.

   ABOGADO:

   Abogado mr. Mohamed a bisa Hues cu O. a admiti pasobra el a realisa cu loke e tabata haci no ta bon. E abogado a mustra cu O. ta bou enorme stress. El a mustra cu den media, a publica O. su potret y esey a mark’e pa resto di su bida. Como miembro di Douane el a keda perhudica. E abogado a mustra cu e raport di psicologo ta mustra cu O. no ta pedofil.

   Aparentemente tur loke a sosode ta door cu O. den su infancia a pasa hopi dificil. El a biba hopi pleitamento na cas y e mes tabata victima di abuso. E ta sufri di stress pisa y pesey e ta usa marihuana. Na opinion di e abogado ainda O. ta sufri di loke a pase den pasado y mester haya ayudo manera psicologo ta indica.

1. Mohamed a bisa Hues cu compara cu otro casonan, e caso aki a keda relativamente cortico. Ta tres biaha so el a sosode pasobra O. a realiza cu e no tabata bon. Posiblemente e lo perde su trabao. E lo mester cuminsa un bida nobo. E abogado a bisa cu O. ta lamenta loke a sosode.

   El a pidi disculpa na tanto mama y e mucha. El a bay su docter su cas pa haya tratamento. E abogado ta haya e castigo exigi pa Fiscal mucho halto y a pidi Hues pa baha e castigo, mirando cu ta un biaha so el a haci’e.

   Hues a cera tratamento di e caso y a bisa cu e ta bay studia e caso bon y dia 22 September 2021 lo tin sentencia.