ORANJESTAD (AAN): Recientemente Corte di Husticia a dicta sentencia den un caso penal cu Ministerio Publico a cuminsa contra
e hombernan R.A.E.(71) y J.A.C.M.(40), kendenan a wordo haya culpable di a malversa placa na gran escala. Fiscal ta haya ambos culpable di falsificacion y malversacion entre 2013 y 2016 na Romar Trading N.V.
Tratamento di e caso aki a tuma tempo door cu ta net den e temporada di Covid, R.A.E. tabata sinta malo y tabatin cu bay vacuna.
Esey a trece cune cu a caso a keda pospone pero tratamento a sigui caminda ta sera papia cu e duo aki lo a falsifica documentonan na Romar Trading N.V. y asina a malversa alrededor di 300 mil florin.
Hues di Corte den Promer Instancia a haya tanto R.A.E. como J.A.C.M. culpable. Hues a condena R.E.A. na 207 dia di prison di cual 180 dia ta condicional, kitando e tempo cu e tabata sera. E 180 dia condicional ta mara na 1 aña di prueba.
Hues a condena J.A.C.M. na 6 luna di prison condicional cu un tempo di prueba di 1 aña. Esey ta nifica cu ningun di e dos acusadonan no mester bay sera den KIA pero ta keda colga riba nan cabez un castigo condicional cu un tempo di prueba di 1 aña.
