ORANJESTAD (AAN): Diabierna awor, 17 Mei 2024, den Corte di Husticia lo trata e caso penal cu Ministerio Publico a cuminsa contra tres cuidador di preso,
kendenan ta wordo sospecha di a pasa droga y otro cosnan den KIA. E tres sospechosonan homber ta: J.G., D.M. y G.L.
Tur tres sospechoso ta cera na Bonaire y tur cos ta mustra cu via video conference lo atende e caso cu ta un “regie zitting”. Esey ta nifica cu e abogadonan di e sospechosonan lo ta den sala di Corte hunto cu Fiscal y Hues, mientras cu e sospechosonan lo ta den un oficina na prison di Bonaire. Via screen ta mira otro y comunica cu otro.
Tambe ta asina cu tratamento di e caso mes lo no tuma lugar sino entre abogadonan y Fiscal lo bay palabra ki investigacion(nan) ainda lo mester tuma lugar promer cu e tratamento di e caso mes tuma lugar. Por ta cu lo bay palabra un fecha pa e tratamento di e caso tuma lugar.
