ORANJESTAD (AAN)– Diamars mainta Hues a dicidi riba e peticion di abogadonan mr. Kock y mr. Illes pa kita e prohibicion di contacto contra Benny Sevinger.
Ta asina cu Diamars e dos Fiscalnan den Corte a bisa Hues cu nan no tin nada contra e peticion.
Diaranson mainta Hues a tuma diferente decision. El a rechaza e peticion di e abogadonan pa nan haya e documentonan cu Sevinger a duna Polis. Hues a bisa cu Fiscal ta responsabel pa documentonan di e caso. Fiscal anterior a bisa cu e documentonan cu Sevinger a duna na Polis no ta relevante. Hues a nenga e peticion di e abogadonan.
Hues no a tuma un decision ainda riba e peticion di mr. Kock y mr. Illes pa scucha testigonan. Hues a bisa cu e ta warda te na April 2022 ora cu e otro abogadonan tambe haci nan peticion.
Hues a dicidi cu 1 April 2022 pa 11’or di mainta, lo sigui cu caso pro forma Avestruz. El a haci apelacion na e abogadonan pa 1 siman promer ya caba e peticionnan ta cla. El a bisa cu e Fiscalnan tin dia 4 y 5 di April pa reacciona y dia 6 April e ta tuma decision.
