ORANJESTAD (AAN): E ta un wega facil pa hunga. Djis escoge bo numbernan consistiendo di cuatro cifra, y agrega un signo zodiacal y asina ya bo ta den wega.
Esey ta loke Yomaira a haci tambe, y el a bira feliz pa mira cu su numbernan a sali. Pesey mes riba Diabierna el a acudi na oficina di Lotto na Playa pa reclama su premio. Aki nan a revisa su ticket, pa check si el a pone e firma na e parti patras. Ora di scan e barcode, computer mesora a confirma cu Yomaira a gana 12.500 Florin cu e wega di Zodiac.
A sigui e ora cu e proceso pa transferi e premio electronicamente pa su cuenta di banco. Yomaira a indica cu e ticket ganador el a cumpa na Shete Dia Lottery.
