Women’s Club of Aruba a honra e miho graduadonan di 2024

ORANJESTAD (AAN): Algo cu a socede algun siman pasa, awor oficialmente Women’s Club of Aruba (WCA)

a duna informacion di e anochi di honor cu nan a organiza pa e miho graduadonan di tur tipo di scol secundario.  Esaki ta algo cu nan ta bin ta haciendo desde aña 1940.

   Recientemente e ceremonia a tuma luga na Renaissance Convention Center cu presencia di Gobernador Alfonso Boekhoudt, acompaña pa su distinguida esposa Hanneke Boekhoudt- Koetse, kende ta miembro honorario di WCA, minister di Educacion y Deporte

1. Endy Croes y esposa, y sr. Roberto Dijkhoff, Managing Director di Caribbean Mercatile Bank y esposa, ya cu Caribbean Mercantile Bank, ta e sponsor (of patrocinado) principal di e evento aki.

   WCA a invita e graduadonan pa un anochi special, pa ricibi un reconocemento como e miho graduadonan di tur e scolnan den nan tipo di scol. Presidente di WCA, señora Reina Geerman, hunto cu señora Hanneke Boekhoudt, a haci entrega di plakaat, e “Shoco Award” y otro premionan na e miho graduadonan di pais Aruba.

   Esnan cu a ricibi honor tabata: Pa VWO (Schakel College)  Thomas Brown; HAVO (Colegio Arubano) Shae Brokke; HAVO (Schakel College) Valerie Goris; International School of Aruba (ISA) Seline Tromp; EduCampus Aruba Shurviqzqia Geerman; IBERO American High School Merrily Farro.

   Pa MAVO / 7 vak (Ceque College) Kyle Hughes; MAVO / 6 vak (La Salle College)  Dilan Perez.

   Pa EPI: Unit Economia (Financiële Administratie) Yeinderalexsa Williams; EPI: Unit Salubridad & Servicio (Welzijn niveau 4) Jaydienne Loefstop ; EPI: Unit Ciencia & Tecnologia (Elektrotechniek) Nixon Perez; EPI: Unit Hospitalidad &Turismo (A.S.) Jurstin Paesch ; EPI: Unit Hospitalidad & Turismo (A.A.S.) Cesarina Jinete Galatioto.

   Pa EPB: Niveau Doorstroom (Oranjestad) Laura Saenz Salgado ; EPB: Niveau Uitstroom (San Nicolas) Nathan Figaroa ; EPB: Arbeidsmarkt (Oranjestad) Anaïs Helder ; EPB: ABO (San Nicolas) Shemi Verploeg ; Scol Practico pa Ofishi (Sta. Cruz) Josleiny Aquino.

   Pa Avond HAVO Shannon Rob ; Avond MAVO Aruba (7 vak) Jean Kock ; Avond MAVO Aruba (6 vak) Lucelvia Schwengle

   Pa e ocasion aki, e comision a invita e hoben talentoso Isdel Hyacinme, ganado di e concurso “Arte di Palabra 2024”, den e categoria ”Rap”, p’e presentacion di su Rap cu el a gana cu ne. Invitado special pa e anochi tabata sr. Nigel Wix, miho graduado di HAVO na aña 2002 y actualmente Regional manager IT Innovation and Technology na Aruba Bank N.V. y Orco Bank N.V. El a dirigi su mes na e miho graduadonan, dunando testimonio di su experiencia- y consehonan valioso, y cu semper bo mester persevera y traha duro pa alcansa bo metanan: “Keep your eye on the prize”. Seline Tromp, e miho graduado di ISA, a declama un poema titula: ”Don’t Ever Stop Dreaming your Dreams” di e poeta Laine Parsons.

Nos di WCA ta gradici directiva di tur scol secundario pa a facilita nos cu tur informacion necesario pa a traha e lista di e miho graduadonan y tur mayo pa a apoya nan yiu.  

Nos ta hopi agradecido tambe na tur e comerciante- y instancianan, cu a coopera pa haci e evento aki posibel y pa duna cada graduado un regalo hunto cu su award. 

Gradicimento ta bay na tur miembro cu a yuda, principalmente na e comision di Student Awards consistiendo di Chairman Michella Steenvoorde-Lacle, Roxanne Vieira, Emperatriz Perdomo, Bernadette Schouten, Jeannette Kort, Mary Droogh, Rhona Dijkhoff, Suzanne Garcia, Mary Taylor, Sjamella Violenus, Aqaunette Gun, Dulcie Goedgedrag, Milagros Posner, Marjorie Dijkhoff, Marva Solagnier y Ursly Silberie (MC). Igualmente esnan cu a coopera durante e proyecto. E miembronan di e comision aki a duna tur di nan parti, pa haci e evento aki bira asina special pa e miho graduadonan di nos pais. 

Por ultimo, WCA ta felicita un biaha mas nos miho graduadonan, kendenan a completa nan estudio cu excelencia durante e periodo di 2023-2024.