Ta trata di hobennan entre 14 y 16 aña
ORANJESTAD (AAN): Monique Giel kende ta “Tienermoederconsulent” di Wit Gele Kruis (WGK) a indica cu nan a registra den 2023 39 caso di menornan di edad cu a sali na estado. Nan edad tabata varia entre 14 cu 16 aña.
El a indica tambe cu tambe tabata tin un par di hoben di 18 y 19 aña. Toch WGK ta haya cu edad a baha atrobe di e hobennan cu ta sali na estado. Eynan tin cu bay traha bek riba dje pa pone un punto extra di atencion riba e parti aki.
Locual a resalta tambe ta cu e hobennan cu a sali na estado e problemanan cu WGK a confronta cu nan ta muchanan cu a bin di un famia caminda no tin 'netwerk'. Nan ta muchanan ariba nan mes, cu ta bay biba cu e guy y ora cu nan haya yiu e problemanan cu ta bin ta entre otro problema financiero y tambe cu bay scol bek no ta tuma lugar, Monique Giel a remarca.
Aworaki no ta mira solamente e cifranan. Sinembargo, e cifranan a subi cu 7. Na aña 2022 tabata 32 caso y 2023 ta 39 hoben cu a sali na estado, segun Giel.
Locual falta pa bay wak pa traha riba dje ainda ta mira kico unda tabata tin e cantidad mas halto y si ta e periodo di carnaval tabata tin su impacto riba e hecho cu a cantidad a subi.
E parti cu WGK ta haya mas alarmante di e muchanan cu ta sali na estado ta e problema social cu ta confronta cu ne. No ta facil pa haya un mucha di 14 aña ta haya yiu y no tin ningun familiar cu ta yud'e. WGK ta wak di biaha riba e cuido di e baby pasobra tin cu pone e seguridad di e baby na prome lugar y di dos e mama hoben..
Pero si ta keda wak si e cuido no ta wordo duna manera mester ta, ya cu no por spera esey di un mucha di 14 aña cu ta den pubertad. Pesey mester keda compronde tambe e periodo aki di e desaroyo hoben, a splica.
Segun e experto, esey tabata un punto di atencion pa WGK y tambe e parti financiero ya cu nan ta bin di un situacion caminda nan no ta stabiel financieramente pa cria e baby.
Pesey ta pone hopo atencion riba e parti preventivo pa asina durante e charlanan cu WGK ta bay duna, principalmente den periodo di carnaval, focus riba e parti di embaraso hubenil y uzo di droga/alcohol, Monique Giel di Wit Gele Kruis a indica.
