Website di Conseho di Europa awor tambe tin informacion traduci na idioma Papiamento

Linguista Ramon Todd Dandaré a colabora cu e traduccion:

ORANJESTAD (AAN): DIARIO a haya e grato noticia cu ex docente y Linguista mag. Ling. Ramon Todd Dandaré a haya e honor y privilegio pa haci e traduccion na Papiamento di un campaña di Conseho di Europa, y awor Papiamento ta aparece hunto cu e lenganan di e 27 paisnan di Union Europeo den nan website.

            Esaki sigur ta un un stap mas den direccion di reconocemento di Papiamento como lenga minoritario na Europa.

            Ta trata akinan di Council Europe, cual tin e asina yama 'Human Rights Channel' y cu ta enfoca den e campaña contra Sexismo: Detect'e. Dun'e un nomber. Stop'e.

            Awor por mira riba e pagina aki con e ta den diferente idioma pa asina esun interesa por lesa esaki den nan idioma.  Idioma Papiamento ta awor un di e hopi idiomanan cu ta aparece entre nan spaño, frances, armenian, turco, ingles, aleman, frysk, italiano, hulandes, portugues, etc.

            Palabranan di pabien na Linguista Ramon Todd Dandaré cu a haci e traduccion di e informacion na idioma Papiamento. Masha bunita mes el a keda y e informacion mes ta masha relevante den contexto di e tema cu ta wordo trata cual ta sexismo y hende muher.  Por copia e siguiente link pa lesa e texto completo. https://human-rights-channel.coe.int/stop-sexism-pap.html.

            Riba e potretnan adhunto por aprecia algun di e textonan cu a wordo traduci na Papiamento.