ORANJESTAD (AAN): Diasabra cu a pasa, e Centro di Operacion Maritimo (MOC) di Wardacosta a ricibi un peticion di Joint Rescue & Coordination Center basa na San Juan (Puerto Rico),
pa duna asistencia riba lama pabao di Aruba, pa 3 persona kendenan ta den emergencia, debi cu nan boto a kapseis.
A haya informacion cu e tres tripulantenan aki a logra di wanta na restonan kibra di e boto cu a keda drief.
Mesora MOC a pone e avion Dash-8 di Warda Costa na altura, y esaki a cuminza bula mesora den e area pa check si por localiza e tripulantenan cu ta drief.
E barco Zr.Ms. Holland tambe a mobiliza pa e area pa yuda den e buskeda di e personanan aki.
Dialuna Wardacosta a divulga, cu despues di buskeda extenso esaki no a produci ningun resultado. Awor e caso a ser pasa na autoridadnan di Search & Rescue di Colombia pa sigui busca.
