Vrije Universiteit Amsterdam a presenta na Colegio Arubano

ORANJESTAD (AAN): Siman pasa Diaranson, e alumnonan di Colegio Arubano a ricibi bishita di representantenan di Vrije Universiteit di Amsterdam.

Nan a bin Aruba pa duna e alumnonan un merdia informativo encuanto direccion di estudio cu ta encera cuido medico.

   Esaki a wordo duna den Decanaatruimte na scol, y e alumnonan a haya un splicacion y mihor bista den e educacion avanza den cuido medico, e proceso di seleccion, y a haya sa mas di Vrije Universiteit Amsterdam tambe. Por a nota cu e interes tabata grandi, y sigur Colegio Arubano ta di acuerdo cu alumnonan tin di haya chens pa prepara nan mes bon riba nan escogencia di estudio avanza den exterior.  Sigur un experiencia valioso esaki tabata.