Varios hende a probecha di Pop Up Market di Santa Rosa

ORANJESTAD (AAN): Manera cu DIARIO a informa, tabata Diasabra cu a pasa cu un Pop-Up Market a ser teni na Santa Rosa. 

E actividad chikito aki tabata for di 8:00 am te cu 11:00 pm.

   Publico a acudi di trempan caba pa probecha di productonan local y fresco.  Esnan cu a yega prome a bin topa cu spinashi fresco, tabatin pica Aji, y tambe Aji Dulce.

   Tabatin varios mata na benta, incluyendo Lamunchi local, Menta, Bacoba, mata di sorsaca, mata di scopapel, mata di casho, masha di yuca, mata di macapruim, mata di tayerblad, mata di malohi, mata di papaya, y diferente otro mata di fruta y herbal.