Premier Wever-Croes ta remarca: *Violacion di e regla por conduci na sancion
ORANJESTAD (AAN): Desde diasabra ultimo, e uzo di tapaboca a bira obligatorio un biaha mas mirando e aumento continuo di casonan di Covid-19 relata na e variante Delta.
Prome Minister Evelyn Wever-Croes a splica cu esaki ta algo cu ta wordo inclui bek den e ley cu e tapaboca ta obligatorio.
Violacion di e regla por conduci na sancion y tin boet pa violacionnan di e Ministeriele Regeling di e ley cu ta aplica, a splica.
Pesey mes, toch haciendo un apelacion na tur hende pa tin e tapaboca bisti, ya caba a yega hopi leu.
A mira tambe cu den e turistanan den e ultimo temponan tabata tin resistencia pasobra ya caba algun restaurant y establecimento a exigi tapaboca. Den algun turista a ripara resistencia, pero ya esey a mira cu e ta bay cambia pasobra na nan pais di origen ya caba tapaboca ta obligatorio atrobe tambe.
Uzo di tapaboca ta birando algo mas normal y pesey ta kere cu e cumplimento lo bay bon. "Mi ta spera cu esey ta e caso. Pa no tin mester di manda polis cada biaha cu tin un hende cu ta nenga di bisti su tapaboca, anto o ta bay haya bo den diferente problema", e mandatario a remarca.
