ORANJESTAD (AAN): Fundacion Fundacion Parke Nacional Arikok (FPNA) y University of Aruba (UA)
ta continua cu nan compromiso na e conservacion y sostenibilidad di Aruba su naturalesa. Un futuro sostenibel pa Aruba no ta posibel sin e colaboracion di diferente partnernan. Un di e partnernan importante aki ta Universidad di Aruba.
Como parti di FPNA su Multi Annual Corporate Strategy 2023 - 2032, FPNA tin como meta pa crea colaboracion efectivo y duradero pa asina segura un sistema sostenibel pa logra e metanan di conservacion pa Aruba.
Cu esaki nos ta contento di por reconfirma nos colaboracion cu e Universidad di Aruba den un 'Memoradum of Understanding (MOU)' pa establece educacion y estudio entre UA y FPNA pa facilita publicacionan cientifico, cursonan academico, cursonan practico, duna charla, organiza foro, comodidadnan y mucho mas.
Pa lesa y siña mas di FPNA su Multi Annual Corporate Strategy por bishita e website:
Aruba su naturalesa ta unico y rico y ta sumamente importante pa ser proteha, preserva y restaura. Cu e MOU aki nos ta contento di por pusha e colaboracion cu Universidad di Aruba pa asina contribui na e estudio y educacion di Aruba su systema ecologico y biodiversidad.
