ORANJESTAD (AAN): E noticia tristo a drenta Diahuebs cu Robert M. Pieroni a fayece cu 81 aña di edad na Hospital na Burlington, Massachusetts na Merca. Algun tempo pasa el a bira malo.
Conoci como ‘Bob’ pa tur hende, e tabata gusta bin Aruba pa vakantie, como cu e tabatin hopi amigo aki. Tambe el a cera conoci cu hopi otro Mericano di costa oriental di Merca durante su vakantienan.
E tabatin un educacion di universidad den ‘Enseñanza’, y durante su bida, e tabatin amor special pa deporte di Basketball. E tabata Basketball coach tambe na Beverly High School, unda nan a hasta pone su nomber den BHS Hall of Fame na 2018.
Bob tabata transmiti amor cerca tur hende cu e topa. E tabata lief, generoso, y gusta yuda, cu un bon sentido di humor. E ta orguyoso di su nietonan, y ta semper bay mira nan ora di eventonan deportivo.
El a bay laga atras dos yiu homber, un yiu muher, y tambe ocho nieto- y nieta. Entiero lo bay ta Diaranson 4 di Mei 2022 na pueblo di Beverly.
