ORANJESTAD (AAN): Diabierna merdia banda di 12:15 pm, un unidad di Polis di San Nicolas a ser manda na e Pier di De Palm Island na Balashi pa check posible caso di hogamento.
Ora cu Polis a yega eynan, a bin topa cu un unidad di Ambulans, y paramediconan ya caba ta ocupa ta practica CPR riba un victima. Un lider di tour a declara na Polis, cu e muher di inicial H. banda di 11:45 am a baha di e boto y bay snorkel den lama na Mangel Halto. El a keda menos di 5 minuut den awa. Despues el a cuminza grita y a cuminza bay bao awa.
E Tour a bisa cu nan mes a hise bek, y riba deck di boto a cuminza cu CPR, y nan a bati alarma yamando 911. Aki a dicidi cu ta bay topa nan na e Pier di De Palm na Balashi.
Pues e boto a dicidi na move bay rumbo pa e Pier di De Palm pa asina tin mihor acceso pa Ambulans. Paramediconan a yega y a tuma over, poniendo aparato di curazon y heart defibrillator.
Pero despues di algun rato, ya e turista femenino no tabata reacciona mas. A manda busca Dr. Texier, kende pa 1:20 pm a constata morto.
Segun paramediconan di Ambulans a bisa, na su reaccion di curpa tabata supuesto atake di curazon el a haya.
Palabranan di condolencia na e famianan.
