POUGHKEEPSIE: Un turista cu a cuminsa bishita Aruba regularmente despues di 2001, a fayece siman pasa na Poughkeepsie, na estado di New York na Merca. Ta trata di Janet R. Goeller di 87 aña di edad.
El a nace na Jersey City na New Jersey na Januari 1936, y ora cu el a casa na 1957, el a bay biba na Poughkeepsie unda su famia a crece cu seis yiu.
El a pasa tempo ta keda cas pa cuida su yiunan, y pesey a bira un fenomenal mama, wela, y bisawela. E tabata practica Bowling pa hopi aña.
Despues cu su casa a fayece na 2001, su ruman muher Carol a cuminsa dune animo pa haci viahe, y asina a escoge pa bin Aruba. Tin biaha djis cu Carol, y otro biaha cu demas famia. E tabata bay riba viahe crusero tambe. Su famia ta contento cu Janet a logra di viaha pa conoce e mundo pafo di Merca. Su ruman muher Carol a fayece na 2021.
Awe Dialuna 20 di November, lo bay tin un Misa na Wappingers Falls na New York, sigui pa su entiero.
