*Por inscribi for di awo caba
ORANJESTAD (AAN) – Jessy Ras, Coordinador di Trayecto di Formacion Social (SVT), den entrevista cu DIARIO a duna di conoce cu ta bay cuminza cu e Grupo-17 na Maart venidero, y ya caba nan ta tumando inscripcion. E ta un grupo di mucha homber.
Manera ta conoci SVT tin proceso di seleccion y e ta informa cu si tin hobennan eyfo cu kier un reto nobo, of no ta bayendo scol, no tin trabao, of wak esaki como un voor traject y tin e deseo pa bira militar y cu ta den edad di 17 pa 24 aña, purba di haci esaki pa wak si enberdad e trayecto di militar ta pa nan.
E ora ey bay na Mariniers Kazerne mas pronto posible, pasobra ya caba nan ta bezig ta inscribi y tin diferente actividad, y nan ta bay cuminza cu e grupo di mucha homber na Maart. Tin diferente forma cu por tuma contacto cu nan, sea via facebook, formacionsocial-svt, of yama na oficina. Tambe via gmail, cu ta: info.formacionعنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته..
Pa inscribi no tin un cantidad limita, pero nan ta haci un seleccion. Nan tin grupo di 24 hoben y mas ta inscribi por wak si nan por forma un bon grupo, un bon seleccion. Y si un hoben cay afo na cuminzamento ya caba nan por hinca un hoben aden, cu ta inscribi caba.
