ORANJESTAD (AAN): Informacion procedente di Boston, ta indica cu e turista John Favazza kende pa gran parti di su bida a biba na Gloucester (Massachusetts),
a fayece Diabierna siman pasa rondona pa su famia, despues di dos aña ta luchando cu un malesa.
Conoci pa tur hende como ‘Jose’, el a drenta enlace matrimonial cu su amor Maria na aña 1972. Pero el a presta servicio den Ehercito Mericano prome cu el a start un famia cu Maria. Hunto nan a trece cuatro yiu muher na mundo. John a goza inmensamente di pasa tempo cu su 12 nietonan, y semper ta papia cu nan encuanto deporte.
John tabata un persona encanta cu deporte di Golf, y a yega di bishita Aruba na numeroso ocasion, unda el a bay hunga Golf tambe riba e isla.
Diamars atardi tabatin despedida di John na Funeraria na Gloucester, y tabatin respons cu a start na comienso di anochi.
