Awe 27 di September
ORANJESTAD (AAN) Awe, Diasabra 27 di September, ta Dia Mundial di Turismo y como tema pa aña 2025 e ONU TURISMO a designa: “Turismo y transformacion sostenible.
E Dia Mundial di Turismo 2025, ta enfoca riba e potencial transformado di turismo como agente di cambio positivo. No obstante, e aprovechamento cabal di e potencial aki ta exigi algo mas cu un simpel crecemento. “Un bon gobernacion, un planificacion strategico, un siguimento riguroso y e stablecimento di prioridadnan cla, cu ta ahusta nan mes na e obhetivonan di sostenibilidad na largo plazo, tambe ta elementonan imprescindible” ONU Turismo ta resalta den su publicacion pa e dia aki.
“Turismo ta mas cu un sector economico, ta un acelerado di progreso social, cu ta faborece e educacion, ta genera empleo y ta crea oportunidadnan nobo pa un y tur. E materializacion di e beneficionan aki ta haci imprescindible y inclusivo pa ubica e sostenibilidad, resiliencia y ekidad social den e centro di e desaroyo turistico y tumamento di decisionnan.
