ORANJESTAD (AAN): E siman aki, DIARIO a nota cu Fundacion Parke Nacional Aruba (FPNA)
a comparti algun update masha exitante tocante e Yellow-Shouldered Amazon, of e 'Lora' cu recien a wordo laga liber pa bula rond riba Aruba.
E Loranan cu a ser reintroduci na Aruba ta floreciendo den nan habitat natural den Parke Nacional Arikok. Akinan tin e updatenan di mas recien:
(*) Nan ta bibando segun nan instinto natural - adaptando na come mata di yuwana, cadushi y boonchi di e mata di hubada.
(*) Nan ta expandiendo nan halanan mas y asina explore areanan nobo den parke y pafo di parke - asina mustrando nan confianza den nan mesun instinto natural.
(*) Mientras nan ta adapta na nan estilo salvahe, nan costumber cu presencia di hende ta kita y tambe e dependencia di alimentacion di Park Rangers.
(*) Nan ta mas alerta na peliger y ta comunica cu otro door di un 'prrrrrr' suave cu ta significa cu mester ta atento pa cualkier menaza y ta para keto keto manera estatua.
(*) Cu nan comportacion desaroya nan a bandona e costumber malo di come for di vloer mane galiña y awo ta busca nan cuminda den diferente matanan.
Pueblo ta ser roga pa ban yuda preserva e Lora pa asina nos por goza di nan bunitesa door di sigui e siguiente guianan efectivo. Pues atene bo mes na reglanan:
- Tene bo distancia y no interactua cu nan
- Respeta nan y mantene bo distancia y mantene pushi y cacho tambe na un distancia
- No cria ni purba capturanan. Esaki lo viola e ley cu ta proteha nan
Si bo encontra un Lora cu ta marka cu un of dos renchi (di color) na nan pia, raporta esaki via WhatsApp cu e dia/tempo, localidad, cantidad di Lora y color di renchi na FPNA su Wildlife Hotline via WhatsApp na +297 592-4476 of manda email:
عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.
Hunto nos por tuma accion pa segura e protecion y preservacion di nos parhanan nativo pa futuro generacionnan por goza di dje.
