Tur cos ta cla pa canonizacion di Dr. Jose Gregorio Hernandez

Misa na Roma lo start 4’or marduga ora di Aruba

ORANJESTAD (AAN): Tur cos ta cla pa e gran dia, esta Diadomingo 19 di October 2024, pa canonizacion di Dr. Jose Gregorio Hernández.  Tambe di Madre Carmen Rendiles.

   Riba potret por mira Cardinal Baltazar Porras, kende ta arzobispo emerito di Caracas, durante un reunion cu Papa Leo XIV na sede santo prome cu e canonizacion di e prome dos santonan venezolano.

   Cardinal Baltazar a papia cu Papa riba e felicidad di pueblo Venezolano pa e fecha aki, y tambe papia di e realidad di e pais, y tambe cu tur hende ta cla pa ricibi e dos prome santonan.

   Speranza ta cu esaki lo ta un oracion di tur hende pa asina cu e entusiasmo brota aki di curason di tur hende riba Diadomingo, y cu tempo cu un serie di iniciativa y bon obra, lo bay permiti tur e bon labor sigui dilanti, y cu e dos santonan aki a laga atras, segun e Cardinal.

   Schedule na Venezuela: E Misa mes lo ta na Vaticano, y na Venezuela ya lo tin actividad cu lo cuminza awe Diasabra 18 di October den oranan di anochi na parokia La Divina Pastora cu un vigilia cu ta cuminza 10:00 pm, y despues lo sali cu un procesion.  Mey anochi lo tin vuurwerki sigui pa oracion na misa di Candelaria, cu ta unda e restonan di e beato ta reposa.  Durante anochi lo bay tin oracion, lo tin pantaya grandi pa mira tambe.  E vigilia lo sigui cu transmision vivo di e miisa di canonizacion for di Roma cu ta start Diadomingo marduga 4:00 am (ora di Venezuela).

   Na momento cu Papa Leo XIV ta pronuncia e proclamacion oficial, na Caracas lo bay tin vuurwerk, batimento di kloknan di misa, y lo devela na misa Candelaria e potretnan oficial di e santonan nobo.  Na santuario lo pone e aureola riba e imagen di Dr. Jose Gregorio Hernandez.