Tur alumno di Colegio San Antonio a bay misa pa ricibi bendicion

ORANJESTAD (AAN): E ta algo cu ya a bira tradicional na Colegio San Antonio MAVO na Santa Cruz.

   Riba prome dia di scol, riba e mainta trempan, mentornan tabatey pa ricibi e alumnonan den Klas.  Despues hunto tur alumno a sali na pia, cruza caya pa asina bay na Misa Immaculata Concepcion na Santa Cruz, caminda Pastor Jairo a predica y bendiciona tur alumno y docente. El a pone special atencion na nos tema di 2024/2025 “unlock your potential”.

   Despues di misa scol a treat tur alumno dushi snacks y algo di bebe.  E mainta aki tabata uno yen inspiracion, y sigur alumnonan lo por absorba e mensahe pa duna bon prestacion den e aña escolar nobo aki.