Trupa di Ehercito di Forsanan Arma di Defensa den Region Caribe a haci su rotacion

ORANJESTAD (AAN)/Willemstad: Durante un ceremonia militar riba dialuna dia 30 di juni 2025,

den oranan di mainta, trupa di ehercito rotacion 48 a transferi su tareanan na e siguiente unidad, rotacion 49. E Comandante nobo, Mayor Marco Kamphorst, procedente di Havelte, durante un traspaso tradicional di rema, a tuma e comando di su predecesor, Teniente-Kolonel Kjell Koster. 

Despues di cuater luna intensivo den Region Caribe, Teniente-Kolonel Koster ta mira atras cu orguyo riba e colaboracion y ehercicionan  di  Trupa di Ingeniero11. “Pa e unidad tabata un chens unico  pa train y traha hunto cu CZMCARIB y socionan local.  Nos a siña hopi tocante con opera den circunstancianan desafiante di Region Caribe.

Durante nos rotacion nos por a traha na un forma maximal riba nos habilidadnan di ingenieria y tactica. Corsou, Bonaire y Aruba a duna e pelotonnan di Ingeniero  e posibilidad pa pone un bon fundeshi pa e habilidadnan general militar, pero tambe pa topiconan specialisa, tal manera Reparacion di daño na aeropuerto (Airfield Damage Repair), traha cu explosivo y tecnicanan di ingenieria  den cuadro di movilidad y contra-movilidad.

Banda di esey nos por a traha na  preparacion propio, ademas nos a traha tambe hunto y a train cu Militarnan di Corsou, unidadnan di  CZMCARIB y socionan di seguridad local.  Asina e militarnan di e Trupa di Ingeniero 11, a duna sosten na Sint Maarten en conexion cu e candela den prizon. Esey nan a haci den cooperacion cu autoridadnan local na Sint Maarten y e Destacamento di Marina na Sint Maarten. Tabata algo special pa mira con nos, no obstante e diferencianan entre antecedente y metodonan pa traha, por a contribui hunto  na siguridad y stabilidad.  E periodo aki no solamente a reforsa nos  capacidad operacional, pero tambe e lasonan cu nos socionan den Region Caribe.” 

Mayor Marco ta anticipa pa durante e 4 lunanan benidero cu su (BVE), Escuadron di Reconocemento di Brigada 43 (BVE), lo train y traha den Region Caribe. E unidad ta wordo reforsa cu un peloton di ingeniero di reconocemento di  Batayon di Ingeniero Blinda 11 y un destacamento medico di  Trupa Médiko 43. Brigada di Escuadron di Reconocemento 43 por wordo desplega multifuncionalmente dentro di e tres tareanan principal di e forsanan arma, ta haci tareanan di reconocemento y vigilancia rond mundo y por elimina obhetivonan enemigo di rendimento  halto, pa medio di apoyo di e ekipo di sosten cu candela riba tera firme.

Nan ta haci esaki cu capacidad di reconocemento riba tera, tanto den vehiculo como na pia, pero tambe nan ta haci uzo frecuente di sistemanan no tripula y drone. Normalmente nan ta haci esaki pa Brigada Mecanisa (Team di Combate di Brigada) 43, (Brigada Combat Team) di Havelte. 

Awor e escuadron di reconocimento ta haya e oportunidad pa ehecuta nan tareanan den Region Caribe. Na prome luga, pasobra nan ta trece capacidadnan y recursonan unico, cu por ta di gran balor na  momento cu nan yudansa of asistencia wordo pidi den e region. Na di dos luga e ta un oportunidad unico pa nan por train y experimenta den e clima tropical di Caribe. Mayor Marco ta spera cu nan lo tin un periodo hopi interesante nan dilanti yi ta spera cu nos lo por haci di esaki  un momento bunita y significativo hunto cu nos partnernan local. 

Ehercito Real di Hulanda tin un trupa permanente den Caribe. E unidad aki, bou di mando di CZMCARIB, por wordo desplega pa un variedad di tarea. E trupa lo train na Aruba, Boneiru y Corsou pa e proximo cuater lunanan.