Trahadornan di Arugas NV a haya sa mas di Prome Auxilio

ORANJESTAD (AAN): E aspecto di seguridad na e compania local di Arugas NV semper ta poni hopi halto riba nan lista.

   Y pesey mes, recien a duna un grupo di empleado un entrenamento special pa haya sa mas di Prome Auxilio.  E asina yama ‘First Aid Training’ aki a wordo duna bao guia di ImSan y facilitador John Tromp.

   E prome grupo di 11 empleado a haya splicacion di John Tromp, y a haya sa con ta e forma corecto pa practica CPR riba un persona cu no ta reacciona, kico tin di haci si acaso un persona sufri quemadura, of tambe si e haya un pica di insecto of reptil.

   E empleadonan a keda satisfecho cu loke nan a siña, y di e forma aki nan hunto ta creando un ekipo aun mas fuerte.