Rodney Solognier, presidente di SPA:
ORANJESTAD (AAN) – E Presidente di Sindicato di Polis (SPA), den entrevista cu DIARIO a indica cu nan tin un problema tambe cu e asunto di overtime.
El a bisa cu ora ta menciona e palabra overtime, hende ta pensa “ya, mas placa!” Pero e no ta bay, eigenlijk pa e “mas placa”.
Bolbiendo na e manifestacion di taxistanan, Solognier a bisa cu su coleganan cu tabata den dienst cu nan trabao a wordo saca di nan funcion, pa bay Cocolishi. “Bo a haya menos personal pa bay un asistencia, pasobra mitad di e personal a bay eynan, y mitad a keda riba dienst normal. E personal mes, cu ta den dienst, no ta suficiente pa run esaki. Awo ta coi mitad bent’e aya banda y no kier busca mas hende pasobra bo no kier gasta mas, of por ta, pa motibo cu lo ultimo cu ta pasando ta, cu CAD ta haciendo onderzoek”, Solognier a declara.
El a agrega cu Minister mes a bisa cu si mester di mas polis pa e seguridad di e mes personal, y pueblo di Aruba, e ta ok, pasobra tin hustificacion.
“Si tin hustificacion, ningun momento tin problema, pero tin hende no ta compronde esey. Mi no sa unda e problema ta sinta, cu nan no ta compronde. Si bo no tin hustificacion, pa locual bo ta haciendo, logicamente e no ta aceptable. Esey mi ta compronde y mi por bisa di parti di mi mesun funcion, cu e t’asina. Pero asina mes cu tin hustificacion pa duna mas hende trabao, anto ta costa overtime e ta aceptabel y e por wordo haci”, Rodney Solognier a remarca.
El a reitera cu tin hende cu no ta wak’e asina, pero tin hende ta purba di evita pa traha overtime, por ta pasobra nan tin miedo cu nan ta haciendo algo malo, pero un bez cu tin hustificacion pa locual bo ta haci, semper e ta ok. Asina Rodney Solognier a señala.
