Tiana Tromp eligi como Reina di Carnaval pa Colegio EPI

ORANJESTAD (AAN): Diabierna anochi e apoyo total por a wordo sinti riba tereno di Colegio EPI, ora cu na un forma yen di ambiente a tene eleccion di Reina di Carnaval di Colegio EPI.

   Un cuerpo di hurado di expertonan local a sinta goza e show y na final tabatin e trabao dificil di escoge e candidata cu ta bira ganadora.

   Esey a resulta den Tiana Tromp, kende alavez a bay cu e premio di Best Speech.  E anochi a conta cu animacion di Brassband tambe.

   Ministro Endy Croes a haya e honor pa corona Tiana.  Manera ta conoci, debi cu e eleccion di Reina Grandi di Aruba a tuma lugar dos dia despues, a palabra cu Tiana lo participa e ora den Eleccion di Reina di Carnaval 71 otro aña.