Tene cuenta cu trabaonan riba caminda cu DOW lo realisa e siman aki

ORANJESTAD (AAN): DOW ta informa di e schedule di trabaonan di departamento Infra & Verkeer y Riolering pa e siman 14-18 di juni 2021.

Entrante awe dialuna departamento di Riolering lo bay haci trabaonan di mantencion na altura di Palm Beach 9B te cu Palm Beach 3.

Trabaonan lo wordo haci entre 8’or di mainta te 4’or di atardi y e duracion di e trabou akinan lo ta 6 siman.

Diamars dia 15 di juni 2021 lo cuminsa cu trabaonan di preparacion na altura di Wara Wara 17E te cu e T-weg di Picaron 15.

Orario di e trabou akinan lo wordo haci entre 8’or di mainta te 4’or di atardi y duracion di esaki lo ta 8 dia. (Dia di asfalta nos lo anuncia despues).

Tambe diamars dia 15 di juni 2021 te cu diabierna 18 di juni 2021, departamento di Infra & Verkeer lo bay construi 4x verkeersplateau dilanti Queen Beatrix International Airport. Orario di e ciere akinan lo ta di 7’or di anochi te cu 3’or di marduga. Ruta di desviacion lo wordo indica cu baricadanan y borchinan di aviso.

Por ultimo un update tocante e trabaonan na Kamerlingh Onnestraat, diabierna atardi a caba di pone e toplaag di asfalt. Diasabra a haci trabaonan di marcacion y pa atardi, a anuncia cu ta habri e caminda completo.