ORANJESTAD (AAN): Diaranson anochi poco despues di 11:52 pm, un temblor a keda registra den cercania di Aruba.
Esun aki tabatin un magnitud di 3.1º riba Scala di Richter.
E epicentro a wordo localiza na 11.94º Nort y 69.73º West. E tabata na un profundidad di 15 km bao subsuelo di lama.
E epicentro ta situa exactamente 55 km Zuid-Zuidoost di Baby Beach (Aruba). E ta igual cu 75 km West-Zuidwest di Playa Hundu (Curaçao). E ta igual cu 8 km pariba di Adicora (Peninsula di Paraguana).
Como cu e epicentro tabata no mucho hundo, en general esaki por nifica cu e ta wordo mas facil sinti. Pero ni na Peninsula di Paraguana no a drenta informacion di hende cu a sinti esaki fuerte.
