ORANJESTAD (AAN): Un temblor cu a registra cu un magnitud di 3.0º riba Scala di Richter,
a ser detecta Diamars atardi riba lama grandi pariba di isla di Bonaire. Esaki a socede pa 4:13 pm.
E epicentro di e temblor aki di 18 Juni 2024 a wordo localiza na 12.31º Nort y 65.92º West. Esaki ta na un distancia di 245 km pariba di isla di Bonaire. E ta igual tambe cu 107 km noordoost di e isla Los Roques cu ta pertenece na Venezuela.
E biaha aki, e epicentro tabata basta profundo, pues el a wordo ubica na 109 kilometer bao di fondo.
