Carlmichael Bikker cu informacion:
ORANJESTAD (AAN) Den conferencia di prensa cu a tuma lugar den Centro di Bario y Deporte Dakota, Carmichael Bikker conhuntamente cu CEDE Aruba, Bario Unico, IBiSA y SV Dakota, a anuncia cu Luna di Juli ta bay bira Luna di Olimpiada.
Bikker a splica cu esaki tambe ta, pasobra ta bin Francia 2024 pa e Aña di Olympic Games. “Anto, e aña aki, Centro di Bario Dakota su Bestuur conhuntamente cu SV Dakota y comision lidera hunto cu Amado Rosina, Roy Quandus, Papito Comenencia, Luis Tromp, y demas bestuurs di Centro di e Centro di Bario, a bin na idea pa nos cuminza cu encuentronan deportivo bek den Dakota, anto nos ta dun’e e nomber di ‘Olimpiada Dakota’.
E ta inicia dia 1 di Juli y dia 4 di Juli e inauguracion oficial di nos cancha di basketball, despues di hopi aña y hopi tempo di dedicacion nos a logra. Den e parti aki ta bay bira tambe cu dia 6 di Juli ta bay bira e ‘Ban Caya Dakota Olympics’.
Kiermen, e ta bay bira algo interesante y bario di Dakota y pueblo henter ta bon bini na e evento aki”, Carmichael Bikker a duna di conoce. Seguidamente, el a pasa palabra pa señora Elsa Krozendijk, cu a referi na e evento “Ban Caya”. Por lesa riba e tema aki den otro articulo.
