MERIDA: Ministro di Tusimo, Ali Ernesto Padron Paredes a laga sa cu aki algun dia, e Sistema Teleferico di Merida, esta ‘Mukumbari’, lo cuminza funciona bek.
El a bisa cu esaki ta excelente noticia pa estado Merida! Autoridad a caba di keda cla cu un inspeccion importante di e Teleferico aki. Esey nifica cu dentro di poco, tur habitante di Merida y turistanan por disfruta di e prome parti di e atraccion turistico aki.
Recien tabatin hopi reclamo di comerciantenan na Merida, cu a mustra cu desde cu e Teleferico aki a wordo cera sin ningun splicacion, cu nan ta sufriendo bastante di esey.
Na luna di April, e president di Venezolana de Telefericos (Ventelca), esta Victor Cruz, a bisa cu ora cu 2022 caba, cu e Teleferico Mukumbari lo wordo habri bek. E ta cera desde meymey di 2020.
