MIAMI: E organizacion di Sociedad Interamericana di Prensa (SIP) a haci un peticion e siman aki na president mexicano, Andres Manuel Lopez Obrador,
pa e tuma medidanan urgente contra violencia creciente cu medionan di comunicacion ta sufriendo di dje, despues di e asesinato di cuatro trahador di Mega Radio Networks na Ciudad Juarez.
President di SIP, Jorge Canahuati, y e lider di Comision di Libertad di Prensa y Informacion di e organizacion, Carlos Jornet, a pidi Gobierno di Mexico pa cuminza ehecuta medidanan mesora pa asina ataca e problema aki.
“Ya ta ora pa Gobierno di president Andres Manuel Lopez Obrador establece di forma urgente medidanan concreto pa stop violencia, e inhusticia di e crimennan aki, y garantiza proteccion di e periodistanan durante cu nan ta haciendo nan trabao,” nan a indica den un boletin.
E peticion na e lider Mexicano a bin despues cu siman pasa Diahuebs, delincuentenan a mata Allan Gonzalez (locutor di Switch 105.9 FM), Lino Flores di promotions, Armando Guerrero (gerente), y Alex Arriaga (bodyguard).
E equipo di radio tabata transmitiendo en vivo for di parkinglot di un pizzeria na Ciudad Juarez ora esaki a socede.
