Roderick Croes, Director:
ORANJESTAD (AAN): Segun director di Cuerpo di Douane, Roderick Croes, for di 2015, Douane ta ubica den e edificio na L.G Smith Boulevard. E tempo ey, tabata tin problema cu e edificio bieu cu tabatin schimmel, bestia y diferente problema na e luga y p'esey e edificio no tabata apto mas pa traha.
SVb a traha un rapport y el a sali malo pa salud di hende. Despues a dicidi di cuminsa busca un otro luga, Croes a indica.
No tabatin mucho luga adecua pa Cuerpo di Douane traha y asina a dicidi di bay muda na e edificio actual. Tabata supuestamente algo temporal. Tres aña. Pero aworaki ta bay haci 9 anja na e edificio di L.G. Smith Blvd.
Cu e edificio no ta adecua ta algo cu den mas di un ocasion a wordo bisa. Minister tambe ta na altura, a remarca.
E problemanan ta persistente, manera problema cu airco, cu riolering, schimmel, etc. Pesey mes ta trahando duro pa asina por yega na un solucion pa esaki, a indica.
Croes a bisa cu mester a cuminsa caba cu e edificio nobo, pero durante tempo, diferente asunto a bin dilanti. Di 2021 a cuminsa bisa cu mester bay den un otro lugar pasobra no ta trahando manera mester ta locual ta malo pa e eficiencia y e efectividad.
Aworaki ta wak cu tin luz na caminda y ta compronde di DOW cu ta wardando riba un mapa pa keur y tambe DWZ ta trahando riba e parti di e contract pa asina cuminsa traha pa un edificio nobo pa Douane, Roderick Croes a declara.
