Ta sigui pone mas kabel bao tera pa expande coriente

ORANJESTAD (AAN): Tur aña e compania NV Elmar ta expande e grid di coriente cu un promedio di 8 kilometer di kabel subteraneo di voltahe halto.

   Durante luna di October so, e Team di Underground Cables a coloca mas kabel subteraneo den e area di Sero Colorado y Palm Beach.

    Prome cu coloca kabel, semper Elmar su Team di GIS (Geographic Information Systems) ta stipula e ruta cu lo coloca e kabel. Alavez semper, e Team di GIS ta presente durante colocamento di kabel pa nota y verifica localidad di e kabel, pa esaki ta wordo pinta riba mapa.

   Trabao cant'i caminda ta esencial pa instala kabel subteraneo y pa continua cu e expansion di e grid di coriente. Semper ta pidi cooperacion di tur automobilista pa nan seguridad y di e tecniconan, cu ta traha cant'i caminda.