Dr. Yuri Casseres a splica --- ORANJESTAD (AAN): Un pregunta cu hopi persona ta trece dilanti den e dianan aki ta: con por sa si un persona ta contagia cu e variante delta of cu e variante omicron?
Riba esaki Dr. Yuri Casseres di Dr. Horacio Oduber Hospital a splica cu pa esaki ta tuma 'samples'. No ta bay test tur hende pa check cua variante nan tin. "Ta un sample size di un cantidad di test cu nan ta bay haci e ora ey".
Asina nan por wak na Aruba con omicron a subi den e ultimo simannan di 5% pa aworaki entre 60 cu 70 porciento, Dr. Casseres a indica.
Ta imposibel pa haci un analisis di tur esnan positivo pa sa cua variante nan tin. Pero esey no ta haci un diferencia, a bisa, pasobra un hende por reacciona riba omicron y otro por reacciona menos riba delta, pero si mas riba omicron.
"Sabiendo cua variante bo tin, no ta bay pone cu bo ta prepara pa bira mas malo of no", a señala.
