ATIA ta indica
ORANJESTAD (AAN): Segun director di Aruba Trade & Industry Association (ATIA), Herrick Henriquez ainda tin comerciantenan cu no sa con pa anda cu BBO na frontera y con pa traha cu e sistema nobo. Nan a pag'e, pero nan no ta trek'e af fin di luna, a bisa.
Esey ta wordo mira hopi den e companianan mediano y chikito cu tin e problema ey. Tambe tin miedo di haci fout y haya despues e consecuencianan cu naheffing, aanslag, bezwaarnan, etc, a remarca.
Por a mira cu awor a haci esey digital. Tur bezwaar por bay den forma digital pa haci e proceso mas lihe. ATIA ta scucha esaki y ta algo cu kier trece dilanti den un 'feedback session' cu directora di Departamento di Impuesto, cu mester bin mas curso informativo unda tur comerciante por bay y haci pregunta, Herrick Henriquez a indica.
Ta bay sugeri pa duna e informacion aki entre ATIA y DIMP. Ta algo cu for di 2023 kier a cuminsa cu ne.
Por wak cu e curso di Douane Declarant ta algo cu ATIA ta haci hunto cu Douane y ta yuda economia di Aruba y cu e cumplimento pa cu Douane.
Directora di DIMP tambe ta dispuesto pa haci'e y ta algo cu ATIA ta bay focus riba dje tambe, a señala.
